Ddi du ligna ni sarvaru
ddi du ligna 'ncruci e nuci
ddi du ligna ca purtaru
lu lamintu ccu na vuci.

Trima tuttu lu criatu
quannu u Re di l'universu
dducu 'nacpu fu rinchiuvatu
cum 'un tintu maluversu.

Ma ddi chiaghi, ddi firiti,
tuttu u sangu ca curria,
chidd'arsura di la siti,
ddi tri uri d'angunia.

Pui dd'acitu ccu lu feli,
puru tutti i sputazzati,
ora sunu tutti meli
contra tutti li piccati.