Arrivatu 'nta la serra,
dunni spunta lu paisi,
vitti li chianti e li surrisi
la s'ò paci e la s'ò guerra.

Chiù lu tempu nun camina
e mi sentu furriatu
di figuri, è ammargiatu
lu pinseri si svirrina.

E ritornu al u passatu
pui rivitti li figuri
e rivitti u primu amuri
d'un curuzzu 'mmaculatu.

Li muntagni, li vaddati
vitti li festi ccu li Santi
li vaneddi ccu l'amanti
e li cori travagliati.

Pui rivitti la rassegnazioni
di la campagna e la s'ò genti
cu ppi d'iddu nun fa nenti
e cci fa prucissioni.

Vitti puru li sipali
e……'nsumma tutti li amarizzi
di la mà genti, e li biddizzi
di la mia terra natali.