Propiziu ventu scinni senza frenu
nt'u vernu ca è ra culla da burrasca
Propiziu ventu subb'a terra aperta
oppuri dint'a l'anima 'e na frasca
Propiziu ventu vuli nt'i capiddri
E linchj i campi cu ra seminanza
Ca pò vulari fino adduvi i stiddri
su sparpagghjati dint'a luntananza

<Rit> Ventu ventu va
scarabocchiando cu 'ru fiatu
u cielu chjino e nuvole
Ventu ventu va
cambiando rotta a tutti i cosi ca
chiamiamo li penzeri e i desideri. <.>

Propiziu ventu i panni a 'ru barcunu
unchjati sunu d'u respiru tuju
e batti ccu na manu a 'ri purtuni
scontann'a gente addormisciuta a ù scuru
e rumurusu scinni nt'i cuscini
trasi nt'i sonni e tutti li criaturi
e nesci fora subbi li camini
oppuri da li crepe de li muri.

<Rit>

Propiziu ventu bussa a ra mi porta
e spazza via duluri arraricati
amuri juti e cosi e di sta sorta
occhj perduti, baci appassiunnati
Propiziu ventu dint'a casa mia
porta 'a preghiera 'e n'alitu sinceru
E pi chir'omo ca s'ha jutu via
spegna d'u curi u caudu 'e nu vraceru.

<Rit>

Anima cchi si tu ? Si nu turmentu !
na vota carma com'u celu chjaru
e na vota furiusa cchjù d'u maru
mò chjna 'e cantu e nò chjna 'e lamentu !

Anima cchi si tu ? Fatta ti sentu
d'amoru ducciu e d'odiu 'u cchjù d'amaru !
Si comu a vampa subb'u focularu: e
canci forma e culuru a nu mumentu,
rutta d'u ventu e d'ogni passiona !

Anima cchi si tu ? Si lustru e scuru !
Anima cchi si tu ? Si risu e chjantu !
Tu si scoraggiamentu e tu si ncantu;
tu si speranza e tu si malaguru;
tu si sarvizza e si dannaziona.

Anima, mò va forta e mò sfinita
nta ssa timpesta chi ti votaria !
Nu fucu e n'anzia t'agita e ti pia:
Mo luci 'e gloria e moni sii abbilita !
Anima cchi si tu ? Mò teni sita
ppe l'acqua chjiara e mò malincunia;
mò vrusci e carità, mò e gelusia ....

Si fiaccula c'addrucia a chi da vita !
D'à vita a lampa, tu teni appicciata !

Ma quannu su caduti tutti i fogghj ...
e, struttu ch'è ru micciu, e pò si stuta ...
E ddruvu chi nu jurnu si venuta,
Anima, n'atra vota ti ricogghj
e d'a ri pedi, e diu, voti ... appracata !

Iu ti vurria incuntrari e ti vidiri
nt'u friscu turmentusu temporale
o dinta na jurnata silenziusa
subba 'u murettu sfattu d'u viale

Vento grecale d'alta marea
vivi narrando la tua odissea
di musica vera con la melodia
vento di storia e di poesia.

Suttuvucia, oi giuvaneddra,
tuni canti e subb'u spuntu
d'a canzuna, n'contrappuntu
l'acqua scinna nt'a linceddra

Nta l'argugnu nu fermentu
cc'è de brividi e n'affannu ...
Cerna l'acqua 'u pannu pannu
nu ncantesimu d'argentu.

E nchjannu chjara e frisca,
varia tempi ... cancia toni ...
E' nu jocu 'e accordi, moni,
d'a canzuna, n'contrappuntu
e' na trumma zingarisca...

Gargaria nt'u coddru: cunta
chi sa cchidi 'ncumpidenza ...
Moni, tutta compiacenza
chjna mpusa, oi giuvaneddra
fora 'e l'urulu si junta.

Ccu nu fruffu a 'ru mpruvisu
e' a 'ru bordu quaquaria
e nt'a scuma chjacchiarja
ccu n'allegru scaccu 'e risu ...

Moni d'a funtana chjusa,
si precipita, si jetta
e si cila nt'a conchetta
na coddrana armoniusa.

Cocci cocci d'acqua pura.
E tu accosti a 'ra linceddra
chjna, 'mpusa, oi giuvaneddra
d'a canzuna, n'contrappuntu
e' na trumma zingarisca...

E 'ra vucca beddra tena
nu meraculu 'e gucciddri,
comu scogghj vivi e striddri
subb'u juru 'e na verbena
Varia tempi e cancia toni
Ah ! Tic e Tac, Tic e Tac.