(testo di angela pellegrino, musica di e. di donato e f. faraldo)
tratto dallo spettacolo "le vie della seta"

che bellu sole n'cielo ce sta
pe tutto o juorno putimmo pazzià
io m'annascunno in mezzo a sti fiori
accussí belli e chiù e mille culori
ma nu rummore come re tuono
frma stu juoco co nu brutto suono
Mamma è lu tiempo che sta pe' cagnà?
O tempurale che vuole scuppià?

joca joca nun ce pensare
nisciuno mostro te pò arrubbare
vieni che ti conterò la storia
'e nu cavaliere vestuto 'e gloria.
mo nun te mettere più appaura
corri e continua a pazzià
vicino a me tu può sta sicuro
o tuono nun pote scuppià

fa girotondo con i tuoi amici
pecchè pe tte è tempo sulo e pazzià
tira la palla, corri felice
nisciuno mai a te male pò fa.
Pensa alla storia r'o figlio r'u re
che nun se puteva sposà
si a principessa r'o lago dorato
nun lo voleva vasà

Mamma stu cielo ha cagnato culore
e mo se sentono sulo rummore
no nun pò essere 'o temporale
vire, se sentono voci alluccare

Tieneme a mano, nun la lasciare
mo chiù nisciuno potrà pazziare
pure o giardino me fa paura
io non me sento chiù sicuro.
Cuntame ancora la storia r'u re
che o drago vuleva fermà
e che soltanto 'a spada fatata
r'a morte ha potuto salvà

Joca joca nun ce pensare
pure sta guerra dovrà passare
Pensa che 'e comme a nu temporale
'o tiempo bello dovrà tornare
Pensa che 'e comme a nu temporale
'o tiempo bello dovrà tornare