Vurria ca fosse ciaola e ca vulasse
a sta fenesta a dirte na parola
ma non ca me mettisse a la gajola.

E tu da dinto subbeto chiammasse
viene marotta mia, deh, viene Cola
ma non ca me mettisse a la gajola.

Et io venesse et hommo returnasse
comm'era primmo e te truvasse sola
ma non ca me mettisse a la gajola.

E po' turnasse a lu buon sinno gatta
ca me ne scesse pe' la cataratta
ma che na cosa me venesse fatta.