Tutte le beddhre beddhre a prucissione
E de nanzi nanzi la mia beddhra scia.

Ieu me minai e la vosi baciare 
E iddhra me disse: "Fermu traditore!" 

Ieu pe' la pena sua cadéi malatu 
E lu medicu non sape la malatia. 

Lu medicu de Roma hannu chiamatu
E sciruppi e medecine l'aie ordinatu. 

Sciruppi e medecine no ne 'ole 
"E na visitella no' na pozzu fare?"

"Azzite mamma e calite lu sciallu 
E sciamu ca quiddhru giovine sta more". 

Casa pe casa scèra dumannannu 
"E dov'è la casa di quel moribondo?"

"'Ddhrunci viditi purtuni d'oru, voi bussate 
E ddhru 'nc'è scaluni d'argentu, voi salite".

Appena lu pede sou iddhra mpuggiau. 
E nu forte cridu dese, lu lettu trimau. 

"Azzite mamma e vidi ci sta vene"
"E sta vene quiddhra donna tantu amata".

"Mo' ci si vinuta tie, stella lumata, 
E mo' ci le sue cannile s'hannu stutate!"

"Se iddhre s'hannu stutate, ieu le 'ddumu: 
E azzite beddhru miu ca te pardunu".