Na sera ieu passai pe le padule
‘ntisi le ranocchiule cantare

A una a una ieu le sentia cantare
ca me pariane lu rusciu de lu mare

Lu rusciu de lu mare è tantu forte
la figlia de lu rre se ‘nda alla morte

Idda se ‘nda alla morte e ieu alla vita
la figlia de lu re sta se mmarrita

Idda sta se mmarita e ieu me ‘nzuru
la figlia de lu re portà nu fiuru

Idda portà nu fiuru e ieu na palma
la figlia de lu re se ‘nda alla Spagna

Idda se ‘nda alla Spagna e ieu in Turchia
la figlia de lu re è la zita mia

E vola vola vola palomma vola
e vola vola vola palomma mia

E’ meo lu core meo, è meo lu core meo
è meo lu core meo te l’aggiu dare