Lassu a testa a lu baruni
ca ci servi ppi lampiuni;
lu cirveddu a li sbirruni
ca su senza la ragiuni.

Lassu a lingua a li ruffiani
ca cci servi pp’alliccari;
e li renti e sinaturi
ppi manciarisi i rinari.

Lassu aricchi a li nutara
ca ni fannu calamara;
e la ucca a l’abbucati
ppi cuntarini minchiati.

Lassu a merda a li scarpari
ca cci servi ppi ‘ncirari;
e poi l’ugni e cavaleri
ca ni fannu tabbaccheri.

Lassu i manu a li parrini
ppi tuccari e signurini;
e lu pilu a la za monica
ca si fa na bedda tonica.

Lassu a vuci e Cilliruna
ppi cantari sta canzuna;
lu capistru e lu varduni
cci lu lassu a lu patruni.