Ammu pusate chitarre e tammure
pecchè sta musica s’a dda cagnà.
simmo briganti e facimme paure
e cù ‘a scuppetta vulimme cantà.
E mo cantammo na nova canzone
tutta la gente se l’a dda ‘mpara:
noi cumbattimme p’ù rre burbune
è ‘a terra nostra e nun s’a dda tuccà.
Chi ha visto ‘o lupo e s’è miso paura
nun sape buono qual’è ‘a verità
‘o vero lupo ca magna e criature
è ‘o piemuntese c'avimmo a caccià.
Tutti e paise da Basilicata
se so scetati e vonno luttà
pure a Calabria s’è arrevotata
e stu nemico facimmo tremmà.
Femmene belle ca date lu core,
si lu brigante vulite aiutà
nun lu cercate, scurdateve ‘o nomme
chi ce fa a guerra nun tene pietà.
Ommo se nasce, brigante se more,
e fino all’urtimo avimm’a sparà,
e si murimme menate nu ciore
e ‘na preghiera pe sta libertà.