Ecco alcune antiche preghiere in lingua siciliana
Clicca qui per leggere il
ROSARIO IN SICILIANO
Preghiera alla Madonna della Milicia
Bedda matri runni siti,
quantu titulu c'aviti.
Cu stu Bambinu c'aviti 'mbrazza,
cunciritinni sta razia.
A razia ri l'arma,
a saluti ru cuorpu,
u pirdunu ri piccati
e ra divina e santa
pruvvirienza.
Vergini e Matri , unn'abbannunari
n'e` bisuogni e n'e` nicissita`,
figghi vi seimu e vui
nni viniti matri,
n'aviti a pruvviriri e n'aviti
a aiutari e cunsulari,
i razzi nicissari n'aviti a
fari!
Preghiera
Ora mi partu e vaiu
e vaiu cu alligria a la missa
mi ni vaiu cuntenti lu cori miu
ca iu trasu alla casa di Diu.
Trasu na sta chiesa triunfanti
prima salutu a Diu e poi li Santi.
Stiennu la manu ritta
pigghiu acqua biniritta
mi la mintu supra lu visu
pirchì è acqua ri pararisu.
Maddinuocchiu e viru a luci
viru a Diu misu n'cruci
n'cruci è n'cruci sa stari
pi li setti piccati murtali.
E nu mi sacciu cunfissari
ne cu Monici e Parrini ne cu Papi e Cardinali
mi cunfiessu cu Vui Diu
ca sapiti lu cori miu.
Vui sapiti la mia cuscienzia
mi rati nu pocu ri pinitenza.
Pater, Ave, Gloria