Sentér di òie

No gh’è quase piö déma

de chèl che me ciamàe “sentér di òie”,

che l’ me parìa de edìga mai la fì

quando, de s-cèt, egnìe a catà gusmì

a primaéra, pampursì d’estàt

e d’invèren i röse de Nedàl.

Sebé sèmper fiurìt e pröfömàt,

fòrse perché ombreàt del bósch ispèss,

di ólte l’ m’ìa segrìt e edìe piö l’ura

de rià fò ‘n mès ai pracc

per vèd ol campanìl, i prime cà

e issé sentìm sigür.

Per chèsto mé l’ciamàe sentér di òie,

sto pìcol curidùr di mé prim sògn.

A l’ n’è passàt del tép e sto sentér

che l’ me parìa ‘ssé lóngh,

se l’ varde adèss grignine rassegnàt;

e l’era adóma ü sentinér de pass.

Adèss l’è quase sofegàt di röéde

e’n gir sègn de bandù.

Adóma ‘l sul sbiaìt d’ötön, sà e là,

tra i ram di piante bióte ch’i lo crièla,

a l’ piöv pietùs sö sura öna quach mòie,

dóe tra la mèlma scüra

la me ‘ngreméss ön’agonéa de fòie.

Sentiero dei desideri

Non c’è quasi più traccia

di quello che io chiamavo “sentiero dei desideri”,

che mi pareva non vederne mai la fine

quando, bambino, venivo a cogliere gelsomini

a primavera, ciclamini d’estate

e d’inverno le rose di Natale.

Sebbene sempre fiorito e profumato,

forse perché ombreggiato dal folto bosco,

a volte m’incuteva paura e non vedevo l’ora

di uscire in mezzo ai prati

per vedere il campanile, le prime case

e così sentirmi sicuro.

Perciò lo chiamavo sentiero dei desideri,

questo piccolo corridoio dei miei primi sogni.

Ne è passato di tempo e questo sentiero

che mi pareva così lungo,

se lo guardo adesso, sorrido rassegnato:

era soltanto un centinaio di passi.

Ora è quasi soffocato dai rovi

e attorno ha segni di abbandono.

Soltanto il sole sbiadito d’autunno, qua e là,

tra i rami degli alberi nudi che lo trafiggono

piove pietoso su qualche pozza,

dove, tra la melma scura,