CRESIME

A la societât pustote plâs splanâ il dêt,

predicjâ il cristianesim, praticâ l’egoisim.

Viartis di gjambis, siaradis di cjâf,

ingolosidis dal c/c, chistis e son lis personis di vue.

Cjars catolics o seis dai ipocritas!:

celebrazions dome esteriôrs

par bati il record dai incass:

l’impuartant al’è tirâ il regâl.

Vuelis, aurs, profums, coreografie di bant,

investiments indispensabii

solitamentri fats di chei che

te ricjece materiâl e crodin.

Diu e Crist si contentin di un piçul

puest tal cûr no tal tacuin

(o forsit i doi a son nassûts di une drete bausie!?),

ma come par solit cjatin cui che al specule

e cussì... nassè la Borse!!!

Il cult, la vite, l’è dut un business!