Morat al sielç di zuiâ cun lis paraulis, lis misture come il prestigjiatôr al fâs cun lis cjartis, lis met dongje in linee cualchi volte in maniere ermetiche, cualchi volte si rifâs a la tradizion de lontane sperimentazion dai ains ’50 del XX secul, al dopre aliterazions ed onomatopeis per creâ un sun ritmat a scomponi il viers, il verp no si fâs viodi scuasit che l’azion, l’agî non impuartin pront a tornâ fûr in componiments che ricuardin lis filastrochis scanditis e sunororis. La paraule e cjape il via tal’insiemit e sul pensîr, scjafojade l’emozion romantiche a pro di un sclagn e sut disgropament di immagjinis, dramatichis, paradossals, groteschis.