Na crapa cu l'ucchiali vecchia e stanca
scinniva d'un pinninu senza scali
i minni iva sgazzannu a destra e manca
cumu campani a notti di Natali.
Quannu mi vitti assittatu no bizzulu:
"Malabiccu!" mi parsi siddiata;
si domannava picchì di lu viulu
avia spiddutu 'i fari a caminata.
"nun sugnu Ninni "-misi i manu avanti, -
"n'un vinni ccà pi curriri e sparari;
se vui ti iuro supra tutti i Santi
n'un sugnu chiddu ca ti fa spagnari
Mentri parrava, 'ntantu avia pinsatu
ca a rima di parrari avia canciatu.
Ninni mi dissi ca lu giustu virsu
è chiddu ca si scrivi di travirsu.
Iddu è poeta e ia ci dugnu onuri;
di rima iragisa è professuri.
Ma u "gangitanu" se u canusci bunu
è a lingua ca si parra senza sunu.
Innu o discursu cu la crapa, vitti
ca era vecchia e cu li missi ditti.
Mi dissi ca di picca avia spurchiatu,
occhi botta ca ddu Nini avia sparatu.
Sintiva idda e n'un m'avia addunatu
ca lu bizzulu 'i mia s'avia stancatu;
mi mintu a caminari no viulu,
facinnu rifriscari lu bizzulu;
Passa na vurpi: ia mi meravigliu
a vidila a braccettu cun cunigliu;
'nsimula sunu, ca vaiu pi darria
vulissi vidiri chi fannu pi dda vi.
Sutta na macchia, supra un gran pitruni
c'era nu biccu vistutu di baruni;
sutta di iddu quattru o tri cuniglia,
cincu pirnici, a gatta cu so figlia.
C'era u comiziu, c'era n'adunata
c'eranu armali di tutta la cuntrata;
c'eranu surgi 'nsimmula a scursuna,
e na piddotta ca unn'ava muzzicuna.
"Sadammi n'un simu!" dissi na gaddina
ca fici guerra, quann'era piddicina;
"su presidenti n'un po mannari bummi
sparari sempri, puru minghiati tunni."
"È di Iragi, unn'è americanu,
o so paisi n'un fanu bummi a manu"
"È presidenti sulu d'un Consigliu!"
Facia a vuci grossa puru u cunigliu.
"D'unni ha truvari i bummi 'ntelligenti?
di chissu o so paisi n'un c'è nenti.
N'un po sparari bummi cu li navi,
rumpiri casi fatti cu li travi.
"Basta!" dissi u crastu ch'era mutu
"A chissu ci mannu un piditu vugliutu!;
siccumu simu e' festi di Natali,
ci mannu puru nu strunzu n'o rinali."
"E no! Intervenni pi caramari:
"chissu un si fà! Bisogna pirdunari.
Siccumu 'i mia è n'amicu strittu,
mannaticcillu, ma sulu quannu è frittu."
N'aciddu dissi: "Suddu è n'amicu veru
ia ci mannassi un piditu sinceru;"
era d'accurdu puru un vurpacchiuttu
ca lu mannava cu 'nsalata e cuttu.
Di tutti banni si susi nu scorreggiu;
ci nni su' grussi, picciddi e di gran pregiu
ci nni su fini, ma fatti 'i gran fattura,
cchi gammi stritti ca duranu pi n'ura.
E intantu u suli è gia supra la testa:
È menziurnu, e mi nni e iti lesta,
quannu 'mprovvis sintu na 'ntunata
puru lu cili fa na scorreggiata.
Fine II puntata
(aspittu na sparata)
