Cumu Ciciriddu
"Il cacciator vagante…"

Se vai a caccia verau li Tirrati
truvi ca li cuniglia s'u vvagnati
se ci domanni: "Vi vugliu cunfurtari"
ti dicinu ca un tali i fa spagnari.

Se pui camini versu Vurdunaru,
truvi ca li cuniglia si cacaru;
quannu domanni a iddi: "Chi succesi?"
circunu sulu gabbinetti e cessi.

'Nveci li cuniglia di Tribrazzi
cu forti spagnu divintaru pazzi,
e ci fu unu ca a forza di sparati,
dicinu ca murì di li risati

Nun bastanu pannuna, tutti i quadrati
c'asciucanu lu culu a li vvagnati,
e c'è quarcunu ca pensa e pui cosniglia
di fari u manicomio a li cuniglia.

"cu iè u veru artefici du dannu?"
si domannaru i sbirri a la caserma :
e dupu tanti indagini di n'annu
truvaru d'i cuniglia cu l'avverma.

È di Jraci e veni cu gippuni
tanti cartucci, vintrera e scupittuni;
si chiama Ninni, amicu e presidenti
e va girannu e dintra un porta nenti.

Spara ad aciddi, a tutti li cardiddi;
'nserta minghiati: li piglia p'i capiddi;
li cani sua a vidilu cacciari
sunu d'accurdu, si vunu suicidari.

S'un l'hanu fattu è suluu pi vrigogna ;
u vunu beni, dicinu ca è scalogna.
Pur'ia ca u stimu tantu, simpaticu a com'è
dicu ca cumu a iddu, daveru nun ci n'è.

U vugliu 'ncuraggiari, c'impristu na scupetta
ca spara 'i tutti banni, e tuttu quantu 'nserta,
anche se spara all'aria, ammazza lu cunigliu
ca sulu accussì po' esseri un capu di consigliu.

Sti quattru righi a iddu ia vugliu dedicari
ca sacciuca l'accetta, pi ridiri e scherzari.
Se viu ca si siddia e chiacchieri mi duna
ci mannu na scupetta ca ietta pidituna.

U Ministriddu