Dia ci ni scanza…………….

Dia ci ni scanza… di chiddu ca assai pensa…
di chiddu ca si senti 'ntelligenti…
di chiddu ca si senti u cchiu 'mportante…
di chiddu ca si cridi na gran menti…
Dia ci ni scanza…………………di chiddu ca si "senti"

Dia ci ni scanza di cu, quannu partimu
nun si sa cumu… ma arriva sempri primu…
Di cu vo' fare sempre u "presidenti"…
di cu è 'mprima fila… sempri davanti!
Dia ci ni scanza………… di tutti chissi genti……

Di cu si senti bravu e vo' cangiari
tutti li cosi… macari lu mangiari;
e allura chi ti fa?…Conza a pitanza
dona pi iddu, ma a tia ti doli a panza…
Dia ci ni scanza………… du duluri 'i panza……

Di tutti chiddi ca, sunu allittrati…
Cumu si dici…? "Sunu studiati!"
Canusciunu la storia e le Paisi…
sanu u latinu, u grecu e lu francisi…
Dia ci ni scanza… mali simu misi…

Dia ci ni scanza… di cu a nuautri pensa…
di chiddu ca ni dici: "Lassati fare a mia!"
ca pi problemi ci vole la scienza………!"
……e va truvati lesta nu darria……!
Dia ci ni scanza… quannu tocca a mia

Fanni cchiu cuntenti!
Dunami genti stubiti e 'ngnuranti!…
almenu chissi 'un pensanu mai nenti,
e 'un sunu misi sempri ddà davanti……
Dia ci ni scanza………………………speriamu ca ci pensa!!!