v).Domina, in adjutorium meum intende:
R).Me de manu hostium potenter defende.
Gloria Patri, etc.
Salve, Virgo puérpera,
Templum Trinitatis,
Angelorum gaudium,
Cella puritatis;
Solamen moerentium,
Hortus voluptatis,
Palma patientiae
Cedrus castitatis.
Terra es benedicta
et sacerdotalis;
Sancta et immunis
Culpae originalis.
Civitas Altissimi,
Porta orientalis;
In te est omnis gratia,
Virgo singularis.
Amen.
V).Sicut lilium inter spinas:
R).Sic amica mea inter filias Adae.
V).Domina, protege orationem meam;
R).Et clamor meus ad te veniat.
