A l'é tacane na gran veuja

la bagna cauda 'd combiné

për gavesse 'n pòch la neuja

fin ch'i soma si a Pancalé.

Sitadin e foresté

tuti quant mnì a tasté

costa bagna ch'a fà sugné.

Furesté e sitadin

dësmentiumse dij sagrin

ma pensumie a fesla bin.

Costa bagna pancalierèisa

a l'é la sausa dël Piemont

sempe faita con pòca spèisa

a patis pa' gnun confront

Bagna ti che bagno mi

card e coi a pa pì finì

povrum siole e caulefior

ij ravanin aj son ëdcò lor.

U ricordoma 'dcò

ch'aj manca pà 'l ciapinabò

pudoma dilo con onor

a l'ha portalo 'l professor

A l'é rivaje 'l dì pi bel

ëd la baldòria e dël rabél

sitadin e foresté

a Pancalé a festegé.

Foresté e sitadin

a Pancalé a së sta bin.

Voj ch'ij mange 'd cafelait

e 'd potije riscaudà

fé la cura dla bagna cauda

e la salute a chërserà

V'assicuro ch'ël cardàn,

ansema al prè,

a tacrà a fonsioné

Angiolino