S'i veus fete 'n bel regal,

coj ch'as fan peui ricordé,

fà na vira a la Nòrdal"

ch'a l'é a Pancalé.

Lì treuvras l'amis Oreste

n'ancioé dij pì vajant

ch'a t'arsèjv con tante feste

e at trata con ij guant.

An soa asienda artigianal

as travaja con anciarm,

a vëddìe a l'é n'argal:

as dan da fé sensa risparm!

Lì travajo "le barice"

ch'a son coj pèss ch'a vardo stòrt

che a smijo 'n pò patice

ma dij galup son gran confòrt!

Ansilì dòp la netiura

ij filèt bin ëslargà

ant ij vasèt con tanta cura

lor a ven-o comodà

con dle sàusse bin soasìe

preparà a maravija,

"le barice" sì ambibìe

son dventà galuparìa.

Na delissia savurìa

costa ancioa turinèisa,

l'é na ròba foravìa,

un prodot ch'a val la spèisa.

Cari amis ëd boca fin-a,

costi pèss ch'a vardo sbiess

son lechèt d'àuta cusin-a

ch'av faran ësté bianes.

Quand ch'a son dzora la tàula

fan ëvnì la salivëtta,

son dij ver bocon da fàula

preparà an mòda s-cëtta.

Sti lechèt ëd Pancalé

dij galup a son l'anvìa,

son na còsa da tasté

a n'ì-é nen n'àutra parìa!

A troveje a l'é mal fé

ma ant la mej potagerìa

'd sicur as peul trové

st'antipast da maravija!

 Barba  GUIDO