Fà che ‘t n’àbi - bon’ànima ‘d mè cé

am disìa sempre: - Tomalin, fà ‘d sòrt

d’avèj dabzògn ëd gnun. - Përchè? - Përchè,

se ‘t fas trené, la tren-a va për stòrt.

“Fa feu ‘d tò bòsch” - a l’é un proverbi antich,

che ‘ncheuj a l’é stimà gnente d’autut.

Ma gnun as pòrta anans, gnun as fà rich,

s’a speta mach da j’autri avèj d’agiut.

S’as veul nen andé a deurme sensa sin-a,

venta ognidun che ‘nt ij sò afé a s’arangia.

Preuva a fete graté da n’autr la schin-a:

grata mai al pòst giust dov’a të smangia.

(Carlo  Coccio)