da . . na còsa bischin-a e biscòsa . . di A. Valente (Përvòst ëd Casalgrass)

 (Domande  e  rispòste)

Cola ch’a l’é la bestia pì furba ?

Ël bigat përché a mangia la feuja.

Përché l’euv as fa beuje ?

Përché as peul nen fesse rustì.

Còsa a fà n’aso al sol ?

A fà ombra.

Përché ‘l gal a sara j’euj cand che a canta ?

Përché a sa a ment la canson.

Còsa a-i é ch’a smija ‘d pì a na mesa lun-a ?

L’autra mesa.

Che dent a-j fan pì mal al luv ?

Coj dël can.

Përché ij can a bogio la coa ?

Përché la coa a-j la fà nen a bogié ‘l can.

An sul Mont Bianch s’a-i é ‘n gal:

da che banda a fa l’euv ?

Da la banda fransèisa o da la banda italian-a ?

Da gnune bande, përché ‘l gal a fà nen l’euv.

Vaire a fàlo neuv pì neuv ?

Doi euv.

I l’hai la coron-a e i son nen Re,

i l’hai jë spron e i màrcio a pé,

sensa mostra nì ciochin,

i marco l’ora a la matin. Cosa a l’elo ?

Ël gal.