A i-era na vòta un giari ‘nt la cròta,

Aosava ‘l pënun, tocava la vòta,

Rivaje ‘l padron, tajaje ‘l pënon

Rivaje ‘l vaché, tornailo taché

Rivaje la sërventa,

l’ha daje na fëtta ‘d polenta

Rivaje la padron-a,

l’ha daje na fëtta ‘d toma.

Picinin pisà ‘nt ël braje

Sua mare l’ha lavaje

A l’ha lavaje volonté

Picinin tornà pisé

Sua mare ‘nt la chërdensa

a l’ha saralo

Picinin a l’ha fait din dan

e l’é pisase ‘n man

Lumasa, Lumasòro,

tira fora i toi cornòro,

dësnò it pòrto dal barbé

ch’at taja la testa e ij pé.

Un bocon a mi

un bocon a ti

un bocon al can

. . . . Am . . Am

Pieuv, pieuv, la galin-a fa l’euv,

a fa l’euv ‘nt ël giardin

a fa cori Marianin.

A fa l’euv a la cicolata

la galin-a a l’é mesa mata

Ujin bel,  so fratel

Urija bela,  sua sorela

gesia granda

e 'l campanon ch’a fà

Don, Don, Don . . .

Giovanin pët pët sigala

fasìa l’aviator

Mancaje la benzina

pisava ‘nt ël motor

Giovanin pët pët sigala

andasìa a robé ij faseuj

le guardie a l’han ciapalo

l’han butaje ‘l cul a meuj.

Din dalan, l’é mòrtie ‘l can

can bucin, a-s ciamava Giovanin

Giovanin cotel, tajaje la pel

la pel dël luv, Curucucucu . . .

Tòni baròni

la mica slë stòmi

la mica sël cul

Tòni a l’é un mul