Un dì per sta cuntrada
passava un bel fio
e un masulin de ros
l'ha trà in sul me pugio
l'ha trà in sul me pugio
l'ha trà in sul me pugio.
E per tri mes de fila
e quasi tuti i dì
el pasegiava semper
dumà per vedèm mi…
Vegnu el cinquantanov,
che guèra desperada,
e mi per sta cuntrada
l'hu pu vedù a pasà…
Un dì pioveva, ver sera,
sciupavi del magun,
quand m'è rivà 'na lèteraù
cul bord de cundiziùn…
Scriveva la surela
del pover Luisin
che l'era mort in guèra
de fianc al Castelin…
Hin già pasà tri an,
l'è mort, el vedi pu,
epur stu pover cor
l'è chi ancamò per lu…