1. Ciuri di rosi russi a lu sbucciari,
amara a l'omu c'a fimmini cridi,
amara a cu si fa supraniari
lustru di Paradisu non ni vidi.
2. Ciuri di gersuminu abbrancicanti,
tu non mi passi mancu pi la menti.
tutti li notti li passu c'avanti
ppi fariti dispettu eternamenti.
3. Si troppu dispittusa tu ccu mia
si brutta 'nta la facci e 'nta lu cori
cascu du lettu si mi 'nsonnu a tia
amara a cu ti pigghia pi mugghieri!
4. Lu sabatu si chiama "allegracori",
biatu cu avi bedda la mugghieri:
cu l'avi bedda ci porta i dinari,
cu l'avi brutta ci mori lu cori!
Lu sabatu si sapi è allegra cori
biatu cu àvi bedda la muggheri.
Cu l'àvi bedda ci porta li dinari
cu l'àvi brutta ci mori lu cori.
Si troppu dispittusu tu ccu mia
cascu du lettu su mi 'nsonnu a tia,
si bruttu 'nta la facci e 'nta lu cori
cu tia ju' non mi vogghiu maritari.
Ciuri di rosi russi a lu sbucciari
amara a cui li tò paroli criri.
L'omini siti tutti munsignari
jù non ti vogghiu no! Ti nni pò iri.
Ciuri di gelsuminu rampicanti
'nun cantu nè p'ammuri nè p'amanti
'nun cantu nè p'ammuri nè p'amanti
ma cantu pi sturnarimi la menti.
Mi vogghiu sciarriari ccu me matri
pirchi mi fici accusi curtulidda;
'mmenzu a li lunghi nun ci pozzu stari
ca tutti m'ingiurianu nanulidda.
Comu al'a fari ccu sta donna Rosa
ca mi vo' dari a figghia senza casa?
lù c'iaia dittu:"Datici la casa
sinnò va resta schetta la carusa".
Comu s'abbrucculla stu bardasceddu!
Si va vantannu ca moru pi iddu.
M'agghiu a pigghiari a nautru cchiu beddu
cà doti e casa m'a purtari iddu.
Ammatula t'arrizzi e fai cannola,
cà bedda ti ccià fari la natura;
lu santu è di marmuru en un sura,
è bonu ppi purtari a sipurtura.
Ciuri di menta sicca e paparina
l'omini comu vui cussì cafuni
l'omini cumu vui cussì cafuni
ni li stricamu sutta li tappini.
Ciuri di nièitedda e di 'nsalora,
li fimmini su tutti curtigghiari,
li fimmini su tutti curtigghiari,
linguti, sparritteri e 'ntricalori.
Ciuri di rozza spica e marvarosa,
si ccu li donni voi pigghiari 'mprisa
si ccu li donni voi pigghiari 'mprisa
perdi la testa e ti voti la casa.