Vinni la primavera
li mennuli sù n'ciuri
lu focu di l'amuri
lu cori m'addumò...
E ammenzu suli e ciuri
abbolunu l'aceddi
tutti 'sti cosi beddi
mi fannu suspirà...
Tanti picciotti beddi
passunu di 'sta strada
ma nuddu 'na vardata
alla me casa dà.
Certu 'stu desideriu
distruggi la me vita
mi vogghiu fari zita
mi vogghiu marità...
La dota l'àiu fatta
la casa l'àiu macari
schetta non vogghiu stari
rannuzza sugnu già...
La culpa è di me matri
mi teni arritirata
ma ora la iurnata
vaiu di ccà e di ddà...
Vinni la Primavera
li mennuli su 'nciuri
a mia 'n focu d'amuri
u cori m'addumò.
L'aceddi s'assicùtunu
facennu discurseddi
ah, quanti cosi beddi
ca mi fannu 'nsunnà!
Oh quanti, quanti giuvini
passunu pi sta strata;
nuddu di 'na vardata
digna la casa mè.
Oh Diu, tra peni e lacrimi
si sfadda la me vita
mi vogghiu fari zita
mi vogghiu marità.
Quannu a nutturna portunu
'ntra lu quarteri miu
m'affaccia 'nu disiu
nun pozzu cchiù durmì.
Alleggiu alleggiu apru
a porta a vanidduzza
vidu ca é pp'Annuzza
e tornu a lacrimà!