Lo zio Mimì era così avaro che ogni soldo che guadagnava lo metteva da parte, aveva dedicato tutta la sua vita a lavorare in campagna e a cercare di risparmiare quanto più possibile; tutti sapevano che i quattrini non gli dovevano mancare, ma lui per paura che gli domandassero prestiti o che qualcuno lo derubasse , "chiancia" sempre miseria e andava in giro con abiti malandati; per giustificare la sua povertà andava dicendo che i suoi guadagni se n’ erano andati in fumo per colpa delle banche che lo avevano indotto a fare investimenti sbagliati e si lagnava della sua sfortuna.

In realtà nella banca del paese non depositava niente, dicendo di preferire la banca di una grossa città, per cui spesso si recava a Palermo, ma qui non faceva alcun investimento, cambiavai suoi quattrini in sterline d’oro e in monete da mille lire. Quando tornava a casa si chiudeva nella sua stanza e infilava le monete in alcune fessure del muro dietro le quali aveva egli stesso scavato capienti cavità.L’arrivo dell’Euro complica la vita allo zio Mimì.

Insieme allo zio Mimì vivevano .la sorella Carmela e il nipote Filippo figlio della sorella. Nell’appartamento accanto, comunicante con quello dello zio Mimì e di sua proprietà, abitava la famiglia di un povero calzolaio che difficilmente riusciva a mettere insieme i soldi per sfamare la famiglia e per poter pagare l’affitto allo zio Mimì.

La scena è divisa da uno spesso muro da un lato la stanza dello zio Mimì dall’altro il soggiorno di Mastro Cola, appoggiato al muro un tavolino con sopra una statuetta della Madonna………….

Tutti chi vonnu li me sojdi... ‘un ni pozzu cchiù. Li parenti ‘un virinu l’ura chi moru pì ereditari, li banchi ti fannu l’occhi duci pi depositalli a libretta, pi accattari titoli.... Cu ti offri lu novi... cu lu deci... ma a cu vonnu pigghiari pi fissa! Depositannu in banca pari chi unu ci varagna, ma a fini d’annu, levaci li spisi... levaci l’inflazioni... chiossà di lu unu o dui pi centu ‘un ci guadagni... megghiu canciari li sojdi in sterline d’oro e in muniti di milliliri accussi sugnu sicuru... l’oru havi sernpri un valuri e li milliliri... cusà m’ avissiru a serviri pi qualchi malatia p’un scanciari li sterlini...Ora unu rici, li putissi sarvari a decimila e a centumila, ma ccà d’unni li mettu mi scantu chi li surci fannu fistinu, cu chisti li denti d’un surci ‘un ci la spuntanu. Bonu fazzu, bonu fazzu. (sale per le scale del palcoscenico) Ma quali banca e banchiteddra. L’’mpirtusu e mi sentu lu ciavuru…..Anzi, quantu mi fazzu ‘na beddra suspirata di sordi. (Prende i soldi dalla tasca, quando…..bussano)

Zio Mimì posso entrare?

Un momento... un momento…. (Confuso) un mumentu….un trasiri sa’? Chi sugnu nuru. (infila le monete in tasca e si asciuga il sudore) Avanti po’ trasiri (Filippo entra)...soccu c’è di tantu importanti?….sintemu! Un cristrianu ‘nintra la so casa un po’ essiri ‘n cunfirenza cu iddru stessu, ma ti pari rucazioni?

M’hav’ a scusari!…..Zi Mimi è quasi l’una e ancora ‘un m’ha dittu soccu s’havi a preparari pi lu pranzu. Si mi duni li sordi vaiu a la putia e accattu qualchi cosa. Chi fazzu ci dicu a la mamà di mettiri la pignata e ni cucemu dù spaghetti,... accattu dù ova e facemu ‘na frittata?

Ova... spaghetti... frittata, ma lu sa’ chi pi cociri la pasta ci voli lu sali e l’acqua, lu sa’ chi accussì la bolletta acchiana, lu sa’ chi pì fari la frittata ci vonnu... l’ova e... l’ogghiu……

Lu sacciu, lu sacciu. Ma caru Ziu Mimì l’ogghiu c’è na la dispensa... ci nnè almenu deci litra, chiddu di tri anni fa.

Un sturiari, Filippu, …..ora chiamu a to matri e vi l’organizzu iu un bellu banchettu... Carmela... Carmela,….Carmela!

(fuori scena) Vegnu, (Carmela entra) …chi c’è, chi successi, chi è tuttu ‘stu trambustu

Nenti... nenti... ‘un ti pigghiari fraccani. To figghiu havi fami e a mia mi vinni ‘n testa chi ‘st’iornu inveci di li soliti spaghetti pi canciari putissimu organizzari un bellu banchettu , lu sa’ cu soccu?...

Cu soccu?.. Manciamu pani e ficurigna? Chiddri chi purtaru di la campagna stamatina... Bonu, mi piaci, allura dunami si sojdi chi vaiu accattu lu pani.

Pani... ficurigna... lassali stari li ficurigna, chiddri ni li manciamu dumani, pi stiornu senti a mia….ci nnè pani duru?....(Carmela fa cenno con il capo di sì) Allura tagghialu a feddri...nichi, nichi,… po’ rapi lu rubinettu a pilu e ci fa curriri un pocu d’acqua di ‘ncapu accussi s ‘arrimoddra... ‘un tantu assai, sinnò addiventa morvu.... po’ và ntà dispensa e pigghia tantichhia d’ogghiu e du’ pizzichi di sali ... du’ suli…chi iu a la me età ‘un ni possu manciari... Lu dutturi mi dissi di mangiari liggero... e senza sali. (porge a Carmela una siringa, che tiene ben avvolta in un fazzoletto) Teccà chistu pi nesciri l’ogghiu

(sconsolata) E chissu fussi lu bellu banchettu... .dunn’è la novità?! Havi ‘na misata chi manciamu pani ammuddratu all’acqua. Va be’... va be’, almenu li possu munnari du’ ficurigna pi frutta

E va be’... va’, munnali, non troppi però picchì attuppanu l’intestino, e iu ci tegno a la saluti.

Dui,tri, pi ognuno...?

Sempri affamati siti... uno pi ognuno ‘un abbasta?. . . Lu restu li portu a lu mercatu e li vinnu, almenu facemu pila…

Chi bellu banchettu... pani... acqua... e ficurigna, mamà senti a mia, amuninni. (escono di scena Carmela e il figlio)

Parenti... serpenti... ma chi ci pari chi iu li sojdi li scotulu di l’arvuliddru?... Sempri fami hanno.... sempri fami. E’ quasi l’una, viremu soccu mancia ‘stu disgraziatu di Mastru Cola….., anzi ci vaiu arricordu puru chi dumani scari la misata. (esce)

(gridando) Cu è? (si avvia ad aprire la porta)

(da fuori) Iu sugnu! (appena aperta la porta entra senza esitare) ... Buongiorno Mastro Cola... Signora Dorotea... (annusa) ma chi è già l’ura di pranzo? Si senti un ciavuru!… ‘Un min’avia addunatu ... Disturbo? Posso entrare?

Veramenti ci pozzu diri di nesciri, vossia già trasì…..comunque, facissi comu si fussi a la so’ casa…pregu.

Grazi, troppu gentili siti Mastru Cola.

Voli favoriri?... certu pi vossignoria chiddru chi manciamu nuatri ‘un è adattu!

Chi manciati?... Vui lu sapiti chi a mia la cucina povera mi piaci, e poi lu dutturi mi dissi chi m’ha curari e a manciari leggeru e senza sali.

Dunni c’è postu pì trì, abbasta pì quattro….a lì voti!, Arristati sirvutu?

E chi putemu manciari...Zù Mimì…semu poveri.., un pocu di pani duru, ammuddratu all’acqua, cu ‘n pocu di formaggiu e du’ ficurigna

Poveri.., ma chi diciti,….manciati cosi genuini e dietetichi... Un mumentu sulu chi mi scurdà di diri ‘na cosa a me soru Carmela (si affaccia alla porta e chiama) Carmela... o Carmela...

(da fuori scena) Chi c’è?... Chi c’è?... Chi successi?.. Scappà focu...?

(sempre dall’uscio della porta) Focu?. ..Ti lu fazzu scappari iu lu focu. . .d’unni sacciu iu… Nenti... pi pranzu iu ‘un ci sugnu manciu cà di mastru Cola....... Lu me pani mettilu di latu pi dumani... ‘Un è chi approfittati chi ‘un ci sugnu e inveci di ammuddrari lu pani nta’ l’acqua l’arrimuddrati nta’ l’ogghiu? Mi raccumannu st’ogghiu avi a durari almenu n’autri tri anni, ‘na coccia pì ogni feddra di pani, e all’ultimu metti a testa sutta lu contagocce, accussì l’ogghiu chi arresta rientra un si perdi.

S’accomodassi cà, don Mimi, a capo tavola...a lù me postu. Dorotea, un piatto e un bicchiere pi don Mimi.. (Zio Mimì si accomoda a tavola, mentre Mastro Cola si prende una sedia e si siede vicino a lui. Dorotea esce da sinistra) Manciassi... manciassi. (Zio Mimì, prende un tovagliolo e se lo sistema al collo poi prende un pezzo di pane e una fico d’India e comincia a mangiare) Mi ricissi ‘na cosa,.. l’ha sintutu li paisani parrari di grossi novità....lu sapi vossignoria chi fra du’ anni li banchi ritiranu tutti li sojdi chi ci su’ in circolazioni e a lu postu di la lira accumincia a circulari ‘na nova munita chi si chiama Eu, Eulo, Euco, ‘Na cosa di chissa……? (rivolto alla figlia Eleonora) Nonò diccillu tu a don Mimì....... soccu t’insignaru a la scola.

E chi m’insignaru?!... Chiddru chi dicisti tu... L’Euro è la nova munita, ci sarannu li centesimi e la munita di carta e si unu avi sojdi sarvati l’havi a canciari picchi tra du’ anni ‘un vannu chiù. Cù havi sojdi a la banca pò stari tranquillu chi l’impiegati ci pensanu iddri a canciarli e po’ ntà li libretta scrivinu la cifra nova in Euro... per esempio cu havi un miliuni, po’, havi quasi 500 Euro...

(Interrompe bruscamente di mangiare, quasi soffocandosi, si batte il petto, prende aria) Botta di sangu,….ogni jornu ci né una nova... li tassi cancianu nomi, IGE..., IVA...., ICl..., a mumenti mettinu puri l’AIR, Aria Italiana Respirata, e ni cuntanu puri li suspiri e si unu havi l’affannu ci fannu pagari lu supplimentu. Lu risultatu però... semprì lu stessu è... sempri sojdi s’hannu a nesciri. Ora cancianu nomi puri li sojdi, ma strinci strinci soccu cancia?......... Propriu nenti

Però forsi è nà cosa bona....... la stessa munita circola ntà tutti li paisi di l’Europa e pi aviri la stessa munita ci havi a essiri lu stessu valuri di l’inflazioni.., cioè... veni a diri... chi... pi esempiu... più o menu.. chi si iu accattu ‘na cosa cà o in Germania o in Francia havi ha custari lu stessu.

E cù ci capisci chiù nenti,.... forsi ora si unu havi sojdi, putissi addivintari convenìenti tenili a la banca, perlomenu dru dui,....... Tri pi centu forsi unu ci lu guadagnassi. Menu mali chi nuatri ‘un avemu di ‘sti problemi; li ricchi s’hannu a preoccupari! Si fussi riccu iu però sojdi a la banca ‘un ci nnì tinissi, accattassi oru, ..... sterline d’oro, sintiti a mia l’oro havi sempri lu so valuri.

Eh... ‘un ni lu sacciu, a li voti l’oru acchiana... ma po’ puri scinniri.

(stupefatto) Ma chi sta dicennu? ‘Un po’ essiri, un mi rati sta collira.

‘Nveci po’ essiri, ascutati a mia, facemu un esempiu: si ntà tuttu lu paisi un viddranu ccogghi deci peri di brocculi e li porta a lu mercatu li po’ vinniri a quantu voli, tri..., quattru..., cinquemilaliri l’unu, tantu ntà tuttu lu paisi li trova deci fissa chi si l’accattanu. Ora…, facemo chi mentri lu viddranu abbannia li brocculi a cinquemilaliri, arriva un camionista cu lu camion chinu, chinu, di brocculi, lu viddranu ‘un ni li po’ vinnini chiù a lu stessu prezzu. Mi sentu capiri…zù Mimì!?

Vi capisciu e ‘un vi capisciu….., ma chi ci trasinu li brocculi cu l’oru? Iu broccoli unn’haiu accattatu mà, ma poi a cincumilaliri, ma a cù ci li viristivu.

Zì Mimì….li broccoli…(Tenta di spiegare con la mano sospesa, poi ci ripensa) Nonò, ….pi fauri, diccillu tu,… chi iu ‘un mi sacciu spiegati bonu..

Po’ capitari,… è chi lu prezzu di l’oru un’è sempri lu stessu, pircchi li paisi chiù potenti comu l’America o la Russia si firanu a fallu acchianari o scinniri quannu vonnu. Si lu vonnu fari scinnìri pigghianu un camion lu inchinu d’oru e lu portanu a lu mercatu.

Allura mancu l’oru è un investimento sicuru? N’sustanza si ci putissi puru perdiri...Menu mali chi niautri un’avemu di ‘sti problemi. Comunque iu un ci capisciu tantu bonu nà sti discursi, e siccome ci vulissi capiri megghiu, ci vulissi unu chi ni capisci, pi farmi capiri chi iu capisciu chiddru chi vogghiu capiri. L’oru di chi munnu e munnu ha statu sempri ‘na cosa preziosa, ora di bottu addivintà poco sicuru come ‘nvestimentu? Ma!……

Si propriu ni voli sapiri chiossà pircchi ‘un’addumanna a Cicciu lu spirugghiafacenni?... Iddru si chi si ni intendi.

Bonu, và beni, l’ha chiamari. Comunque lassamu stani sti discursi. La ragioni di ‘sta visita mia cà è un’autra, si ‘un ricordu mali, dumani scari la misata d’affittu... li sojdi l’atu cugghiutu? Pi favuri ‘un mi faciti truttuliari!

Ziu Mimì,….v’amu pagatu sempri...., certu qualchi vota cu qualchi jornu di ritardu..., è veru Dorotea?

Certu, Certu….quantu sacrifici.

E stà vota quantu m’aviti a fari aspittari?

Nenti…., qualchi jornu, ‘un si preoccupassi, è veru Doratea?

Certu, Certu….quantu sacrifici.

Iu aspettu, però sacciu chi siti sociu a lu circolo operai e la misata ci la purtati sempri puntuali,…..dra!.

Si è veru.... però lu sapi soccu è? A lu circolo operai pagannu decimilaliri a lu misi, unu, murennu, s’assicura lu postu a lu cimiteru,... un bellu funerali, cu la carrozza, li cavaddri, puru la musica. Siccomi iu haiu statu sempri scarsu, almenu di mortu vulissi fari fiura, è veru Dorotea?

Certu, Certu….quantu sacrifici.

(tappando la bocca a Dorotea) Bì a cammurria vi mittistivu…Va bè .... . va bé, iu aspettu’na para di jorna..... ma tirannu a longu ci calcolu l’interessi.. (Zio Mimì si alza e fa per andarsene, Mastru Cola lo segue, Dorotea ed Eleonora si alzano) Ora è tardu, mi nnì vaiu…..Vi salutu Mastru Cola. (Zio Mimì se ne va)

Arriverecci….Dorotea lu sintisti a ‘stu fitusu....... veni ccà mancia, vivi, e poi ci calcola l’interessi... si!….ma po’ vuciari quantu voli, ‘un havi nenti di fari, aspittari havi, anchi pircchì ‘stù misi s’ha travagghiatu picca e sordi. (facendo il gesto con le mani)….nenti…...Figghiu di bona matri, (Mastru Cola, Dorotea ed Eleonora, fanno per uscire da sinistra) m’abbannià puri li sojdi di lu circolo pi lu funerali, ‘un viu l’ura di pigghiarimi la soddisfazioni di viricci la facci, quannu moru, iu cu li cavaddri e la banda musicali, e lu pizzenti chi ‘un è autru, cu la cascia d’abete e purtatu a spaddra, amunì amunì a taliari la televisoni a biancu e nivuru dra rintra.

Certu, Certu….quantu sacrifici.

Dorotea, viri chi lu Zù Mimì sinnì già, amunì… (escono)

Stu fitenti mi retti a manciari ma mi detti ntà lu mezzu un saccu di muccuna amari.. l’oru chi ‘un havi valuri, la lira chi tra dù anni’ un c’è cchiù... e iu comu un scemu haiu un saccu d’oru e di muniti di milliliri. M’à spirugghiari, ha parrari cu mastru Cicciu Foresta, pi sapirini chiossà.....Certu chi stù mortu di fami si lu organizzà bonu lu funerali…. e a mia, Don Mimì, cu tutti li sojdi chi haiu ammucciati, si ‘un dicu a qualcunu dunni sunnu, m’attuccassi un funerali di terza classi comu un pezzenti. ‘Un po’ essiri l’ha diri a qualcunu... ma a cù... Ci vulissi unu fidatu unu ch ‘un circassi di futtimi... unu chi fussi sicuru chi mi vulissi un pocu di beni (pensando) ...... quasi quasi, mi veni ‘na bella idea..., ‘ntantu prima parru con Don Cicciu e poi vaiu a Palermu pi scanciari li sojddi, quannu tornu organizzu na bella fajsa, fazzu finta di stari mali e di essiri in puntu di morti... accussi possu viriri cu si pigghia colliri e mi voli beni,… e cu inveci si ni fùtti e ‘un viri l’ura chi moru. (Gesto dell’ombrello e guardando l’orologio) Mi! Tardu si fici, quantu fazzu chiamari a Don Ciccio di mè niputi Filippu. (Gridando) Filippu…Filippu… dunni sì, veni ccà!

(Da fuori scena) Ziu mè, staiu vinennu! (entra) Chi c’è.. Zio Mimì.

Senti a mia, dumani vaiu a Palermo pì affari, preparami la borsa da viaggiu e la valigetta... Ntà la borsa ci metti un pezzu di pani duru pi la colazioni e la giacca ....... partu cu chista vecchia e po’ prima di trasiri a la banca mila canciu.

E ntà la valigetta chi ci mettu?…… A Palermu? ‘Nà la banca, ma chi iti a fari?

Botta di sali, ma chi mì scappà di ‘mucca,…..Banca…..nenti, nenti, ‘nsunnu affari chi ti riguardanu. Ntà la valigetta un ci ha mettiri nenti,..ci penso io. Mi servi pi lù ritorno cusà avissi accattari qualchi cosa. Ora però fammi un favuri va’ chiama lu spinugghiafacenni Cicciu Foresta chi ci ha parrari di cursa, va’...fa prestu!

Vaiu, vaiu,….Ziu Mimì……mentri chi sugnu cà ci vulia diri ‘na cosa……

(tra sé) Bona! Li sojdi voli… (a Filippo) Spirugghiati chi vò!

(con modi garbati e convincenti) Vui pì mia aviti statu sempri comu un patri, iu pì vui haiu statu sempri comu un figghiu…..

Filippu, spirugghiati chi chi iu sugnu tò ziu e tu si mè niputi…..carricamu terra…

(come sopra) Vui m’aviti sempri vulutu beni, e iu patri unn’haiu (facendosi il segno della croce) ,…e chiddru chi va diri è ‘na cosa chi si rici a lu patri….

(ansioso e infastidito) Filippu, rammi sta mazzata e spirugghiamuni,…haiu chiffari…..

E allura ci lu ricu tutta nà botta,…..iu m’à maritari!

(sbalordito) Filippu, sapia chi eri scimunitu, ma no a ‘stu puntu,….e comu l’avissi a manteniri ‘sta principessa? (tra sé) appena tocca li me sojdi ci rapu la testa comu un ranatu.

(persuasivo) Ziu Mimì, vui ormai aviti ‘na certa età, e l’impegni chi aviti sunnu troppu assà e un ci la faciti chiù a irici d’appressu,…. Vui pì mia aviti statu sempri comu un patri, iu pì vui haiu statu sempri comu un figghiu…..

(infastidito) E prosita cu stu lamentu,….senti Filippu, va cercati lu ‘nirizzu picchì la strata sbagghiata pigghiasti, iu figghi unn’haiu!

Ma pi vui haiu statu sempri l’omu di fiducia, e v’haiu statu sempri vicinu, un v’haiu fattu mancari mai ‘na lira e di ‘sta cosa n’aviti a teniri cuntu, n’somma cu megghiu di mia vi po’ aiutari a curarivi l’interessi? Lu travagghiu c’è e vui vi pututi arripusari…

(rassegnato) Senti, di ‘sta cosa ni parramu dopu, ma fammi capiri cu è la sfortunata,….cioè la fortunata?

La figghia di mastru Cola!

(sbalordito) Cu?!?!?!, la figghia di mastru Cola?,….l’avia rittu chi eri critinu,…inveci di circariti una ricca, nteliggenti e beddra, ti isti a circari una scarsa, beddra e chi mi fici pigghiari un saccu di colliri!

Ci ha datu colliri? E picchì?

La storia è longa,….comunqui arrivatu a un certu puntu la vita è la tò, appena tornu di Palermu, vaiu a parru cu mastru Cola.

Grazi ziu mè (va ad abbracciarlo)

Ora finiscila di liccarimi e va chiama a Cicciu Foresta.

Curru! (Mentre va per uscire inciampa e cade, si rialza ed esce da destra)

Carmela…. Carmelaaa… (Entra Carmela)

‘Nsomma, cu tia chi mi chiami ogni minutu lu chiffari quannu mi lu fazzu? La vò finiri di chiamarimi? Dimmi frati mè, soccu successi.

Dumani vaiu a Palermu, avissi a turnari in jurnata, però t’ haju a diri ‘nà cosa…avi ‘nà poco di jorna chi ‘un staiu bonu, m’haju sintutu mali.

(preoccupata) soccu ti senti, picchì ‘un mi lu ricisti subitu.

Un ti rissi nenti pì un ti fari proccupari, pì ora un diri nenti a nuddru, quannu tornu di Palermu mi fazzu visitari.

E tu! Sempri menefreghista ha essiri, a ‘st’ura t’avissi visitatu e fussimu chiù tranquilli, perciò un ha diri nenti a nuddru?

A nuddru, …Sicuramente avi a esseri qualcosa di passeggero... mi sentu un duluri ntà lu pettu chi mi camina finu a la spaddra.

Beddra matri... ‘un è chi si malatu di cori... lu ziu Pippinu avia li stessi sintomi e a tri jorna morsi.

(facendo gesti di scongiuro) Quali moriri e moriri... nenti fa’ finta chi ‘un t’hàju dittu nenti. (bussano alla porta) va rapi, avi a essiri Cicciu lu spirugghiafacenni e tò figghiu... Falli trasiri. (Carmela esce, dopo qualche secondo entra Don Ciccio seguito da Filippo, Zio Mimì vedendo Don Ciccio e suo Nipote gli va incontro) Bongiorno don Cicciu... s’accomodassi... s’accomodassi, prego.

Bongiorno Don Mimì. Chi c’è, di soccu si tratta?... avete bisogno di una consulenza? Pi vossignonia sono a completa disposizione, anche a gratisi.

Zio Mimì:

Bravu, a gratisi, suggnu raccordu cu tia, ….nenti, ‘un è ‘na cosa tantu ‘mportanti, è chi jennu a Palermo a li voti mi trovu a parrani cu genti importanti... si parra di politica, di palluni e puru di economia e iu di ‘sti cosi ‘un ni capisciu nenti. Si mi putissi chiariri l’idei supra lu petrolio, li dollari, l’oro. Farcitimi capiri, picchì si unu acchiana l’autru scinni? ‘Un mi pozzu fari persuasu, però mi raccumannu paroli semplici, chi haiu li scoli vasci.

(per come scritto) Dunchi, viremu... comi mi possu spicare, Intantu l’oro è ‘na cosa e li dollari e lu petroliu sunu n’atra cosa. Su’ collegati, beddra matri, ma cosi diversi sonno. Mittiamo chi un paisi comu la Rossia... ,paisi potenza di gibbiuni,... chi possere un sacco d’oro sarvatu, ma chi la stessa midesima Rossia avi l’economia malacumminata, ‘un c’è travagghiu, l’industria ‘un produci, e l’esportazioni sunu a zero frittu cù l’ova..., ‘npratica su tuti morti di fami, sta disgraziata Rossia soccu po’ fari?... Zio Mimì, cosa po’ fare la Rossia?

E iu chi ‘nnì pozzu sapiri,…Don Cicciu vi lu rissi chi haiu li scoli vasci e ancora ‘un v’haiu caputu.

Non è difficilo, Zio Mimì. La Rossia, essa midisima pi fari sojdi si vinni l’oro, e siccomi n’havi assà, assa’ nni vinni e pi chisto lu prezzu scinni.

Mi sono spicato?

Ah!!! Lu camion di brocculi... ora capisciu.

Broccoli? E chi ci trasinu li broccoli.

Nenti... nenti, broccoli mei. E, senti ancora, di lu dollaru e lu petroliu chi mi sapiti riri?

(in difficoltà per farsi capire) Allura...ehm……lu petroliu si po’ accattari sulu in dollari pirchè è la munita chi duna chiù garanzie. Comu vui sapiti lu dollaru è la munita di l’U.S.A.

Usa?, Soccu usa?

C’ava a usare… Ziu mè, U.S.A. comu Unated, Statez di Amirica, e siccomi l’iconomia di l’Amirica è forti, lu dollaru sale….

Sale?…E chì ci trasi lu sali ora.?

Zù Mimì, binirittu lu Signuri, sale vuole diri c’acchiana di valuri rispettu a tutti l’autri muniti, quindi l’autri paisi pi accattari lu petroliu spenninu chiossà. Pi ora per esempio l’America aisà’ li tassi d’interesse e tutti agghiaccianu ntà li banchi picchì commeni ‘mestiri in dollari.

Mestieri!….puru l’incidenti amu a fari? Ma ‘sta conomia è comu la politica, un si capisci nenti, un jornu su amici, un jornu si sciarrianu, chì manicomiu. Sintissi Don Cicciu, iu haiu caputu picca, l’unica cosa chi haiu caputu bonu è chi la benzina costa chiù cara di dumilaliri. E di l’Euro chi mi sa’ riri?

Li paisi europei uncennusi cercanu di controbbattiri la forza di lu dollaru... ‘nfatti tutti li paisi s’affannanu a migliorari la sitazione aconomica, ammuttannu e circannu di favoriri l’aziende e la prodizione, in modo di criari morti chiù posti di lavoro e favoriri l’esportazioni. Pi trasiri in Europa tutti li paisi, tiraru la cinghia, .….l’Italia ‘nzigna,..…..stamu soffocannu a quantu stanno strincennu la cinchia. Il nostro Govenno pi fari scinniri l’inflazionini ni sta ammazzannu di tassi... Purtroppo però l’euro cu lu dollaru ancora ‘un ci la spunta. L’aconomia di li paisi di l’Europa ‘un è ancora forti rispettu a l’Amirica.

Lu capì, lu capì, mi avete illuminato Don Ciccio, come ‘nà lamparina. Vi ringrazio,... Vi posso offrire qualcosa? (Non aspetta la risposta e lo incalza) Ma forse a quest’ora rompete la digestione..., iu ci tegnu a la vostra saluti, mi dispiaci facemu pi la prossima vota..., (spingendolo verso la porta accompagnandolo ) Vi ringrazio ancora, capisciu chi aviti chiffari e non vi trattegnu, arrivederci, arrivederci Don Ciccio, stativi bonu. (Don Ciccio esce, lo Zio Mimì prende la valigetta e mentre esce) Capì tutti cosi….anzi un capì nenti, quantu curru di cursa a Palermu a scanciari li sordi, chissi su l’unica cosa chi capisciu. (Zio Mimì esce).

Bellu stu cinima fù.

Piccatu chi iddra morsi d’insubitu, picciotta beddra e bona era, chi collira chi mi pigghià!

Mamà, ma chi colliri ti pigghi, cinima è, finzioni!

Sarà finzioni, ma mi vinni ‘na fami taliannu tuttu dru beni di Diu quannu manciavanu! Chi dici Cola manciamu?

E chi manciamu….unn’avemu nenti.

Avemu lu pani duru e tanticchia di vinu.

Allura mettilu ìn tavula. (Mentre Dorotea prende il pane e il vino bussano alla porta) Cù è’

(da fuori) Ju sugnu,…. Pinuzzu Lu Luvaru.

Botta di sali, Pinuzzu, ora amu a cummattiri cu stu scimunitu (Matru Cola va ad aprire. Quando apre appare Pinuzzu, con una scarpa in mano e un piede scalzo, i pantaloni gli vengono corti e la camicia strappata, porta delle bretelle con una parte della bretella che gli penzola da una spalla, capelli spettinati. Appena la porta viene aperta Pinuzzu fa un salto verso la scena.)

Bummaaaa!!!! Pinuzzu cà esti (Tutti lo guardano esterfatti) La scarpa rutta haiu! (Mostra la scarpa che ha in mano) E chi fu iu?….Nooo!

Giustu a mia appi a capitari di canusciri ‘stu scimunitu.

E comu fu?.

Pinuzzu un mi fari perdiri la pacenzia, comu pozzu sapiri comu si ruppi la to scajppa?.

Iu lu sacciu! Ora ci lu specu……Iu caminava pì la strata e cantava, quannu vitti ‘nà atta chi stava mangiannu la munnizza….

Iu puru si tu un vinii manciava, allestiti.

Iu m’ avvicinà a lu attu, iddru appena mi vitti accumincià a fari… (Fa il verso del gatto che vuole spaventare qualcuno) Iu lu talià accussì… (Si mette in posizione di sfida) E ci rissi: pezzu di fradiciumi, chi fa sta’ manciannu e un vo’ essiri distubbatu, e mi vò fari scantari? Iu pinuzzu sugnu e un mi scantu di nuddru, sulu di unu mi scantu…..

E di cu?

Di tutti,…..allura ci vaiu a là vota pi mettici nà piratuna (fa la mossa come se avesse davanti il gatto) lu attu, figghiu di cani… (ci pensa) figghiu di attu, si sposta e chi c’era di rarrera lu attu?

Chi c’erà?

(piangendo)C’erà un balatuni, iu m’avia partutu cu lu peri e misi ‘na ran piratuna a la petra chi la scajppa si rapì comu ‘n ranatu e lu peri si strincì comu ‘nà palluza.

Bonu Pinuzzu, bonu, ora viremu di aggiustari la scarpa, assettati.

Grazi Mastu Cola… (Si siede e si toglie l’altra scarpa, mentre gli altri lo guardano, si infila le dita delle mani fra le dita dei piedi) Ah!!!!! (Si odora i piedi, schifato)Chi puzza?!

Pinù mi sta affitennu ‘na casa, mettiti… (Pinuzzu prende un pezzo di pane) Lassa lu pani……anzi pigghiatillu e portatillu, ma vattinni!. (Pinuzzu si mette la scarpa, si alza e va per andarsene)

Grazi,…..Ah!? Quannu è pronta la scarpa? (Mastru Cola lo ha accompagnato all’uscio)

Veni dumani,….. ora vattinni, ciao! Arristamu senza pani, Dorotea ci fussi di priari pì aviri anticchieddra di fortuna.

Lu fazzu, Lu fazzu maritu mè….certu….certu….quantu sacrifici! (Va ad inginocchiarsi davanti alla Madonna, si fa il segno della croce, il marito mette la mano sulla spalla della figlia, guardano inteneriti Dorotea e i due escono lasciando sola Dorotea).

Carmela... Carmela... (entrando)

(stizzita) Chi successi... ti sintisti arrè mali?

Vinni ora ora di Palermu,….sugnu stancu mortu! Senti Carmela, la sapisti la novità di to figghiu?

La n’tisi, lu picciottu la voli, la picciotta lu voli…..

Bonu, ora vaiu a parrari cu mastru Cola, viremu soccu ni runa in doti.

Fratuzzu mè,….mi raccumannu….. fà lu chistianu bonu.

Va beni, Carmè vaju di Mastru Cola pì accurdari stu matrimoniu, però mi portu a lu Zzu canonacu, accussì è iddru chi un mi fa sbagghiari… (esce)

Puru a lu Zzu Canonacu si voli purtari,… mi sà chi stu matrimoniu un si fa,…..lu canonacu è peggio di iddru pi pillichitudini, speramu bonu… (esce)

Dorotea, prei, prei e lu miraculu unn’arriva, semu chiù scarsi di prima, (bussano alla porta) viremu cu è, speriamo chi unn’è lu Ziu Mimì, chi chissu la casa nì mancia… (va ad aprire, appena vede lo Zio Mimì e lo zio Canonico, fa cenno di scongiuro e tra sé) lu sapià ‘ntà sta casa fortuna ‘unn’ì piutemu viriri mai…(ai due) .trasiti siti li ben venuti. (entrano i due) assittativi, Dorotea, pigghia li seggi…(li fa accomodare)

(entra, zoppicante, e appoggiandosi a un bastone) Binirittu.

(Pausa) L’accetta un bicchirinu?

Rasoliu?

(portando un dito alla guancia e girandolo) Veramenti bonu, Canonacu: spiciali. Di casa, maaa! (Ripete il gesto, accompagnandolo con un fischio.)

E macàri l’accettu.

(a Dorotea) Dorotea, pigghia tri bicchieri e lu vinu (Dorotea va a prendere il vassoio) A chi debbu l’onuri Ptri canonacu? (Dorotea, porta il vassio e versa nei tre bicchieri il vino)

(Mentre Mastro Cola versa il vino nel bicchiere) Bonu parissi!

Chistu vinu speciali è….ma a chi debbo l’unuri…si è lecitu addummanarri?

(seccato) Ora chi finistivu di fari complimenti, vinemu a lu fattu (a mastro Cola) Ora vi lu ricu iu picchì semu cà!...Niautri semu cà picchì me niputi Filippu mi prià ‘n cruci pi accujrdari lu matrimoniu cu so’ figghia, e vogghiu chi li cosi si fannu cu granni serietà, comu li facìanu i nostri antichi, no comu fannu ora all’epuca moderna…e cu mia mi purtà patri Canonacu….persona rispettabilissima….

(dopo una riverenza, con gesti sconsolati) ‘Un ci nn ‘esti cchiù ritegnu, e mancu rucazzioni! ‘A la Merica mi pari chi semu.

La parola di ‘n mucca mi livà!

Pi tanti cosi. Chi tempi, Ziu Mimì! ...Mizzica! Vi ricujddati, Ziu Mimì?

Picciotti mè, non’è c’amu a fari notti, stricemu, emu a lu sucu! (fa gesto di stringere con i tempi)

Perciò! Comu ni lu putemu scujddari? (incontra lo sguardo severo di zio canonico e si zittisce)

Dunque, vinnimu c’à pì accurdari lu sposalizio tra vostra figghia e lu caru Filippu!

(risoluto) Mastru Cola... comu nni mittému? Tantu pi séntiri.

Mimì, unn’essiri vinali, contegnu! Qunchi…dicia……, a munita comu semu misi?

(dopo averci pensato su) Ziu Mimì….. iu a me’ figghia cci rugnu chiddru chi pozzu... Cértu la picciotta si fa taliàri, e sapi fari tuttu ... e veni di’nna famigghia anurata... vossia lu sapi.

(ha approvato con il capo) Cértu chi lu sàcciu.

Vossia è omu di spirienza e capisci megghiu di mia.... avjssi a capiri chi la famigghia e la picciotta cuntanu chiossài di li sojdi. In ogni modu, iu a mme’ figghia cci rugnu chiddru ch’è giustu; chiossai p’accomora ‘un pò essiri. Cci voli lu ventu in chiesa, lu Canonacu m’avi a pirdunari, è pi paràuni, ma no chi s’hannu astutari li cannili.

Signuri me’, niatri ‘un semu cca pi la robba... assolutamenti! Semu cca pi la picciotta. (cerca il conforto dello Zio Mimì, che è costretto a chinare il capo e Mastru Cola allarga le braccia per far capire che è lusingato. Pausa.) Cértu però chi è beni, ‘nsumma, appattari chiddru chi cc’è r’appattari.

Giustu.

Giustissimu.

‘N sostanza... Lassamu stari i chiàcchiari chi un ni jnchinu panza, comu ricìanu l’antichi.

Com’era bona usanza, pill’appuntu, di li nostri antichi, è giustu rapprisintari chi mme’ niputi Filippu avi ‘nna posizzioni... ddi prima. Iddru è lu mè curaturi di l’affari.

‘N sostanza, cci rugnu, pi prima cosa, ddu tùmmina ni terra e la stanza di pranzu cci fazzu, comu mi spetta.

No, chi c’entra...puru li pìcciuli, è loggicu.

Nooo...chiddri quannu moru ju, e di la cucina unn’amu a parrari…

(spazientito) Ma ‘nsumma... la cucina no! E’ ‘nna pritisa, parola mia, chi ddi vui ‘un mi l‘aspittava. Mi sà chi cu lu vinu chi vi vivistivu vui unn’arraggiunati stasera.