|
Canteus
cun sauvidadi
e cun cantu melodiosu
succurrei cun caridadi
Santu Triagus gloriosu.
Giai chi grazias alcanzais
de deus trinu onnipotenti
ch'is maladius curais
medicu tantu eccellenti
applicai a su mali presenti
un unguentu sanidosu.
succurrei cun caridadi
Prus miraculus operestis
sendi in presoni inserrau
a su tempus che liberestis
Artemia de su malvau
malignu e ostinau
dimoniu tanti ingannosu.
succurrei cun caridadi
Candu is velas arziestis
po sa Persia a navigai
su mali chi tottus biestis
procurestis rimediai
fendi luegus appartai
su serpenti velenosu.
succurrei cun caridadi
A Persia cun grandi amori
altra borta t'imbarchestis
sa filla de su rei Sabori
nomada Giobia curestis
de su demoniu dda salvestis
sollecitu e caridadosu.
succurrei cun caridadi
Quatruxentustrinta fiant
cu su rei battiaus
e is chi miraculus biant
nd'atturanta consolaus
e ancora illuminaus
de su spiritu santu amorosu.
succurrei cun caridadi
De
Persia a Roma torrestis
Levita santu illustrau
quindi altra bortas suffrestis
di esseri impresonau
a appustis turmentau
ndi bessestis vittoriosu.
succurrei cun caridadi
Cun passenzia arricestis
is turmentus temporalis
e du pustis merescestis
is cuntentus eternalis
teneis eternu riposu.
succurrei cun caridadi
Pustis de tantu penai
su crudeli Massimianu
cumandad a ti degoliai
cummenti firmu cristianu
po sa fidi de su soberanu
Gesus tanti amorosu.
succurrei cun caridadi
Giai chi seis in saltu gosu
de 'saltissima trinidadi
succurrei cun caridadi
Santu Triagus gloriosu
succurrei cun caridadi
Santu Triagus gloriosu.
|
