Letovana naina
Bat e bat i tio' panuts
letovana chista not
mentri che il tió frut
al duar
letovana bat e bat
Bat ta l'aga frêda e nera
tanche il sanc che ti âs tal côr
bat ta chista dura piera
blancja tanche tu ti sôs
Tal cjasâl il nadalin
biel al brusa su pal fouc
e il tió omp 'l è tal scjalin
cjoc patoc restât bessôl
Bat e bat il tio' panuts
letovana chista not
mentri che il tió frut
al duar
letovana bat e bat
Bat ch'al è lusôr di luna
bat che l'aga jù a no cor:
mari muarta ta la cuna
muart ch'a bat tal lavadôr
Il tió cjant a è 'na criura
ch'a si pant biel planc par dut
bat ta l'aga trista e scura
che doman nol sarà sut
Bat e bat i tió panuts
letovana chista not
mentri che il tió frut
al duar
letovana bat e bat
il tió nin al è ch'al duar
da la mari nol à dôl
li' Peonis lu an vuarbât
il tió bati a j an platât
E tu vosa bat e vai
che la not no finis mai
Vosa vosa bat e vai
che la not no finis mai
