Prima era 'nu cavallo bon sillatu, d’ oru e d'argentu la mia mangiatura, a coppi d’oru era abituatu, biaffa ni tinia senza misura. Mo mi viu a 'ssu margiu attaccato, i pedi m' ha tagliato 'ssa pastura.

Povira vita mia, comu si squaglia! comu ‘u ferru a ru focu si sturtiglia.

Haju vuluto amari ‘nu gallu rraino, quannu a ru pettu mio, quannu a ru sinu cci ‘nnaJu dato mullichelli e pane, acqua cci 'nnaJu dato di continuo. Mu s'ha trovato 'nu novu ammasunaru o di li manu mie nun vò cchiù civo.

Povira vita mia, comu si squaglia! comu ‘u ferru a ru focu si sturtiglia.

Giru e sempri giru e sugnu a ‘na parte, ‘u chiusu di 'ssa vita è troppa forte, m'ha fattu divintari pani mmucatu, chianu mi dirruggia lu sunnatu, ‘a capo mi cci gira e mi cci vota comu la nimulilla di la vita.

Povira vita mia, comu si squaglia! comu ‘u ferru a ru focu si sturtiglia.