Capilli rizzi e alba di corallo, petto di primavera forte di ciglio. L'oru tena ru pisu du metallo, chi di li belli, u primo postu piglia. O! Dio, si forunu d' arte l'occhi mia, ‘nu ritrattu di tia mi vorrà fare, ca po' lu mintu mmenzu, a quattro juri, parma d'argentu mia chi tantu urduri.

Quannu niscisti tu fonte i billizzi, mammata pàrtoriu senza duluri. Si nata i chilla notte d'allegrezza chi li campani sunavanu suli. A niva ti dunàu i sui bianchezzi, e ra cannella u bellu sapuri, cu pipe ti dunàu a fortilezza, a rosa russa u bellu culuri

O rosa russa fatti mazzi, mazzi colonna lavurata di billizzi. Quannu mi guardi ccu 'ss'occhi m'ammazzi: focu ma misu cu ri tui billizzi. EJu dormu subra setti materazzi, riposu nu nni piju a nullu pizzu. Vorrà durmiri n'ura a ri tui vrazza ppi bidiri cum'é 'ssa cuntintizza.

Janca palumma mia si senza fele, comu discerni di sangu riali. A cammiata tua e subra i veli; a pidatella tua 'nterra nun para. Si vò li scarpi, te li fazzu fari, d'oro e d'argentu a 'mpigna e ra sola. E cchillu marru che cii fazzu fare, ppi siggillu cci 'mpizza ru mio cori