Scénne ‘a luna, la scénne a luna, la scénne luna chiéna. 

Ué lùna stàmme a sènde, ‘sta notte m’he’a ‘uarda’.
Fa’ spècchio pe’ tramènde, fàmme vere’ addo’ sta’. 

Sèndo na vòce ca me chiama e ‘o viendo ‘a pòrta cca’.
E ‘o màri pèrde l’ònna e ‘a barca va’. 

‘O màri pàre argiéndo, ‘na stràta ‘e libbertà,
e l’ònne so’ lamiénto, chéll’ànima ‘e pietà. 

Quànda génte è rimàsta mùta , sènza pute’ parla’,
‘N zeffùnno dìnta ‘o màri, e nun se sa’. 

Scénne ‘a luna, la scénne a luna, la scénne luna chiéna 

Sibbe’ Tu uè Marònna, ‘sta nòtte m’he ‘a senti’,
fa’ alméno ca me sònna, lùna nu’ scumpari’.

Lùna, pàre ca ‘uàrdi e pàrli, còme sapìssi e chè,
come sintisse a jèssa e guardi a me. 

Chissà addo’ quale gènde, mo’ s’ha da arrepusa’,
Si ‘uarda e tène amende, ‘a càsa sòa addo’ sta’. 

Vulésse èssere vièndo, pè te pute’ arriva’,
‘uardarte ‘ss’ uòcchi nìri e te vasa’. 

Scénne ‘a luna, la scénne a luna, la scénne luna chiéna . 

‘Sta nòtte è ‘n àta nòtte, sta’ sòla a me danna’,
‘stu fuòco ca mabbrùscia, quand’àto haggi ‘a a§ceppetta’.

‘A vìta nàsce e mòre còme mòro io pe’ te,
lundano mòro sùlo, senza te. 

M’abbràccio ‘nu cuscìno, me vène r’ ‘o vasa’,
‘nu rijàvulo vicìno ca me stàje a tenta’. 

E’ tròppo tiémbo ca m’ a§cepètta, lùna rincéllo tu,
so’ muòrto. 

Dìlle ca nun tòrno chiù.