Allu suono de grancascia viva lu popolo vascio
Allu suone de tammurrielli viva viva li puverielli
Allu suono de campana viva viva li pupulane
Allu suono de’ viulini morte alli Giacubini

Sona sona sona a’ carmagnola
Sona li cunziglie viva o’ rre cu la famiglia

A sant’elmo c’hanno fatto l’hanno fatto comme a’ ricotta
stu curnuto sbrevugnato l’hanno mise a mitria ‘ncapa
maistà chi t’ha traruto chistu stommaco chi ha avuto
e’ signure e cavaliere te vulevano prigiuniero

Sona sona sona a’ carmagnola
Sona li cunziglie viva o’ rre cu la famiglia 

Alli 13 de giugno sant’antonio gluriuso
a’ e signure sti birbante ‘e facettero nu mazzo tanto
so venute li frangise autre tasse ‘nc’ hanno miso
libertè egalitè je arrobbo a tte tu arruobbe a mme

Sona sona sona a’ carmagnola
Sona li cunziglie viva o’ rre cu la famiglia 

Li frangise so’ arrivate nc’ hanno bbuone carusato
et voilà et voilà cavece ‘ncula a’ libertà
allu ponte a’ matalena donna Luisa ascette prena
e tra mierece che fann’ nun la ponno fa sgravà

Sona sona sona a’ carmagnola
Sona li cunziglie viva o’ rre cu la famiglia 

Allu muolo senza guerra se jettaje l’arbero ‘nterra
afferrajene e’ Giacubine ‘e facettero na’ mappina
è fernuta l’eguaglianza è fernuta a’ libertà
pe vvuje so’ dulure e’ panza signò jateve a cuccà

Sona sona sona a’ carmagnola
Sona li cunziglie viva o’ rre cu la famiglia 

Passaje lu mese gliuvuso lu ventuso e l’addiruso
allu mese ca se mete l’hanno avuto l’aglio arrete
viva tata maccarone ca rispetta la riliggione
Giacubini jate a mare mo’ v’abbrucia lu panaro

Sona sona sona a’ carmagnola
Sona li cunziglie viva o’ rre cu la famiglia

SCARICA ED ASCOLTA 30 SECONDI DI QUESTA CANZONE

DOWNLOAD MP3

(Nuova Compagnia Canto Popolare)