(Corepolis - testo di angela pellegrino, musica di e. di donato)

tratto dallo spettacolo "le vie della seta"

tutto lu juorno me ne stongo cca'
e cheste rrote vego semp'e gira'
file d'argento d'oro e de culore blu
e intanto passa la mia gioventu'.

mentre s'affina 'o filo 'e sta matassa
penzo che a vita e' sul na scommessa
comm s'intreccia 'o filo che fa nu vestito
pe fa felice o triste nu marito.

file luciente comm fiore 'e rosa
fatte pe nu vestito de na sposa
che andra' su un altare o vestirra' nu re
nu munno che non appartiene a me.

ogni broccato 'e seta
pe me conta na storia
ntrecciata rint'o filo ra memoria.
ma le vie della seta
portano assai luntano
gira o telaro e io giro 'o munno sano.

pe tutt 'a vita mia torna a gira'
na moda passa e nata se nne va
comme a speranza de n'ammore che verra'
cagno o colore e io torno a sospira'.

ogni broccato 'e seta
pe me conta na storia
ntrecciata rint'o filo ra memoria.
ma le vie della seta
portano assai luntano
gira o telaro e io giro 'o munno sano.