(Corepolis - rielaborazione testo e musica originale di e. di donato)
tratto dallo spettacolo "le vie della seta" 

Scennite accà, scennite,
venitela a vedè , mirate oi ne' 
comm' è bella Marianna,
accussí carnale e accussí bella
cu certi trezze d' oro
e cu ciert' uocchie verde comm' 'o mare
ddoje schiocche 'e russo 'nfaccia
e cu na carnaggione accussí fina
ca si lle tuocche 'e braccia, ah!
nu fiocco 'e seta pare 'e tuccà
e tuccà, e tuccà .

Sentite accà, pruvate,
venitela a sentí, appizzate oi e' ,
comme canta Marianna.
E Santo Leucio arape lle fenestre,
e à ggente scenne 'n piazza.
Se fermano 'e telare quanno canta
l 'auciello r'o Casato.
Nu cuorpo de cardillo 'e San Silvestro
ca quanno vola e passa, ah!
lu core te lo sape aggrazià
aggrazià, aggrazià.

Scennite accà, scennite
venitela a vedè, mirate oj ne'.