(recitato:) "Io vengo da monte Cupo
per darvi un gran saluto.
Io vengo da Tarantiello
cu 'na lanza e 'nu spurtiello.
Noi siamo tre fratelli
tre valenti marenari:
uno si chiama Gennaro
pesca treglie e calamare
'nato se chiamma Vicienzo
e pesca senza licenza;
scusate signori miei
mio patre m'ha miso a nomme Pulletrone
pecché porto sempre 'mmano 'stu bastone!
'Na sera me trovo passanno pe' 'stu mare
veco 'nu cefalo ca s'appiccecava cu 'nu calamare.
Cu la lanza lu lanzaje
cu lu cuoppo lu cuppaje
e dinto a lu vuzzo lu menaje.
Me trovo passanno pe' Santa Lucia
tutte me diceno: -Uh che cefalo 'ncuscienza mia!-
'U gabbellotto rummannette 'ncantato:
-Comme, 'stu cefalo accussì gruosso 'e piscato?-
Veco 'nu calabrese
da tanto luntano
cu quatto rane 'mmano
vuleva fà 'a spesa:
scusate signori miei,
io cu quatto rane ce posso passà?
Nossignore!
Me vene 'a bile p''a testa
metto 'a mano 'int''a sacca,
caccio 'o curtiello
e dongo 'na botta a 'stu cappiello.
'O cielo m'ha aiutato
'o cappiello nun s'è sfunnato.
...Alice! Alice!
'St'uocchie tuoje so' ddoje curnice,
si saglio 'ncoppa mammeta che me dice?
Saglie... saglie... ca sì 'o padrone d''a casa!
Io pe' ve fà vedé ca songo 'nu valente marenaro,
dongo 'o divertimento a 'sti signuri e me ne vaco!" (fine recitato)

Trallera trallera
tirirà llirà llallera
trallera trallera
tirirà tirirà llallera
e tirà llirà llallera
trarialill'ariarillallà.

Tu vide comme sfila
'stu vuzzo 'ncoppa all'acqua
oinè che t'aggio fatto
ca nun ce vulimmo cchiù.

La lana che ne faje
la freva te fa venire
'nu matarazzo 'e stoppa
cchiù frisco te fa sta!

'Ntunino e Nabbulione
s'ha fatto llu dagone
s'ha fatto llu ddaghino
'Ntunino e Giacumino.

Uno ddoje e treje
quatto cinche seje sette e otto.

Nun saccio che vurrisseve
'nu lietto de viole
ma mò nn' è tiempo ancora
e cuntentate pe' mò...

E mastu Raffaele
era 'nu capo fumatore
pe' s'appiccià 'na pippa
ce metteva cchiù de 'n'ora...

Ellà llà llà
sempe chesto saje fà.
Sì mastu Raffaele
e nun te ne 'ncaricà!

Sfacciata petintosa
ca ce lo dico a mammeta
e cu 'n'ata vernia 'e sposa
e zengariello e llariulà...

'Sta povera vicchiarella
tu vide comm'è ridotta
e sotto a ll'aria strutta
nun pò cchiù cumparé...
Quanno me cocco 'a sera
m'abbraccio a 'stu cuscino
e quanno è 'a matina
sempe penzanno a te.

Moglierema che m'è morta
era 'nu piezzo 'e femmenone
teneva 'e cosce storte
s''e vuleva adderezzà...

Pitidum tidum tindera
apitidum e apintindera
'ndandà 'ndandà 'ndandera
aritreia aritré.

Annita fate presto
raccogli la mappata
la barca è preparata
e bisogna di partì!

'U ttreja 'u ttreja 'u ttreja

Moglierema che m'è morta
era 'nu piezzo 'e femmenone
teneva 'e cosce storte
s''e vuleva adderezzà.

Purtualle lisce e musce
e lummeciello pe' scerià
si 'a monaca jesce e trase
acquasanta piglia e vasa.

Figlia mia fa' orazione
e peccata nun ne fà
si avisse 'nu buono 'uaglione
già facesse orazione.
Figlia mia fa' orazione
e peccata nun ne fà.
Padre mio, so'fiacche 'e sense
e penitenze nun pozzo fà.
Si t'assitte 'o scannetiello
ce schiammo 'o libbreciello
uva e bà, uva e bà
zi' masto mio che t'aggia fà?

Si veniva l'anno passato
teneva astipata 'na scartellata
che puozz'essere scannata
jiuste pe' 'a tené astipata

'U ttreja 'u ttreja 'u ttreja...