(testo e musica di e. di donato)
tratto dallo spettacolo "le vie della seta"

sotto stu sole niro
friddo e cattivo 'ncielo
nuje stammo cca a cuntare
'e tocchi d'e campane
'o viento votta 'n faccia
capille foglie e pioggia
nuvole comme a cane
s'azzannano luntane

ah, lievece a cca'
mamma, lievece a cca'
appiccia 'a luce, facce guardà
dacce a tutti 'a forza
de tirà annanze e nun murì
sotto sta pioggia nuj priamme Dio

tu stai superba e rire
riggina 'n prucessione
'e nuje ca te purtammo
nunn' hai pietà nisciuna
eppure mia regina
ricordi quanno tanno
stennive 'o mantesino
e ce cullavi 'n zino

ah, nce parli cchiù
ah, nce vuò sentì
arape a porta facce trasì
facce lassà areto stu tiempo che nun passa maje
comme a fantasmi nuje cercammo Dio

Maronna, Maronna, facce scetà
Maronna, Maronna, facce scetà