Chi nasce annuro e chi nasce ‘ncammisa 
je ca nascette annura e senza niente 
aspetto ca pe mme cagna lu viento. 

Chi nasce cane e chi nascette gatta 
je ca nascette gatta e no canillo 
aspetto e mo ‘ncappà nu suricillo. 

Chi a’ tene argiento e chi lla tene d’oro
la caiolella pà ‘ncappà o’ palummo 
e forse je sola a tenarraggio e chiummo. 

Chi nasce ‘ncunie e chi nasce martiello 
si stu martiello ‘ncasa e nun m’apprezza 
pure vene lu juorno ca se spezza. 

Chi nasce janco e chi niro o’ gravone 
je mò gravone so po te ne adduone 
lu juorno ca m’appicciarragge bbuono.