Tenia na finestrella, mara mie,
dove s'enfaccia la mia nnamurata.

Mamma la rondinella
mamma la rondinà.
Mamma la rondinella
vola vola, se ne va.

Ieu nu lla visciu commu la vidia,
forse ca sta llu lettu pe malata.

Se voi canusci la sua precatura,
vidi ca an terra frisca stae precata.

Se voi canusci la sua iettatura,
vidi ca spina pesce è diventata.

Quandu la chianca an pettu li calara,
de lacrime se nkiu la sepoltura.

Mamma la rondinella
mamma la rondinà.
Mamma la rondinella
vola vola, se ne va.

Dodici torce nnanti li ddumara,
cu no se nterra cu se viscia sula.

Nu fazzulettu an facce li calara,
cu no se guasta la bella figura.

A santi morti la raccumandai,
guardatime sta donna ca stae sula.

Mamma la rondinella
mamma la rondinà.
Mamma la rondinella
vola vola, se ne va.