Maritate maritate zitella

ca te lu piji 'nu fabbricatore

te fabbrica 'nu puzzu e 'na cisterna

'nu finescinu pe' fare l'amore

maritate maritate ca sai

lassi le pene e piji li uai

sta begnu cantu ca su mandatu

te unu ci te ole tantu bene

cu le cinucche 'nterrra m'ha priatu

cu begnu te le cuntu le sue pene

se lu viti comu s'ha diventatu

ca nu pizzaturu de terra lu mantene

a teve te lu lassu raccumandatu

cu ni apri la porta quandu vene