Candh'es nadu Gesus in sa grutta
es faladu dae un'istolu,
de Anghelos lughentes a bolu
ei sa domo nd'es palfida allutta.
De Anghelos lughentes a bolu
ei sa domo nd'es palfida allutta
E cantaian cun suavidade:
"In chelu a Deus gloria
e in terra vittoria
a d'ogni omine de bona voluntade;
a d'ogni omine de bona voluntade".

Sos pastores ancora lassendhe
in pasturas sas amas tranchiglias
acudian a sas meraviglias,
incantados ruian adorendhe.
Acudian a sas meraviglias,
incantados ruian adorendhe.
E narain in coro issoro:
"Nois semus poveritos,
ma rocas e granitos
tiamus cherrer dare fatos de oro;
tiamus cherrer dare fatos de oro".

E benzèin sos tres res de oriente
infilados infattu a s'istella,
de sa grutta formèin capella
atterrados preghendhe umilmente.
De sa grutta formèin capella
atterados preghendhe umilmente.
E narian : "Eccodi cant'amus,
inzensu, mirra e oro,
ma ti damus su coro
e cun tegus in sinu noch'andamus;
e cun tegus in sinu noch'andhamus".