Sende mortu cun rigore
su coro 'e s'anima mia,

non mi giamedas Maria,
si chi no mama 'e dolore.

Non mi giamedas Maria
né de grazia piena
ma de dolores e pena,
de turment' e agonia,
ca bido sa vida mia
intregada a traitores.

Non mi giamedas...

Non mi nedas beneitta,
intro 'e sas feminas ria'
s'incontra s'anima mia
triste, dolente e afflitta,
daghi l'appo dadu sa titta
senz'aer tanto' dolore.

Non mi giamedas...

Giamademi s'affligida,
giamademi s'attristada,
sa de penas carrigada,
sa de ispadas ferida;
de fizu meu sa vida
es' dada a crocifissore.

Non mi giamedas...
 

Poiché è morto fra i tormenti
il cuore dell'anima mia,

non mi chiamate Maria,
ma mamma di dolore.

Non mi chiamate Maria
né piena di grazia
ma di dolore e pena
tormento e agonia
perché vedo la mia vita
consegnata ai traditori.

Non mi chiamate Maria...

Non mi dite benedetta
è fra le donne infelici
che si trova l'anima mia;
triste, dolente e afflitta
perché gli ho dato la mammella
senza aver tanto dolore.

Non mi chiamate Maria...

Chiamatemi l'afflitta,
chiamatemi la sconsolata,
oppressa dalle pene,
ferita dalle spade;
la vita di mio figlio
è data al crocofossore.

Non mi chiamate Maria...