‘Nta stu chianu lassamu la notti
li timpesti lu scuru e la morti

A ccu campa di sulu putiri
e li minzogni di milli culuri.

Lu pitroliu ca strincemu forti
e lu mari ccu li pisci morti

‘Nta stu chianu era ricca a campagna
partemu curaggiu passamu a muntagna.

Dda banna a dda muntagna
Dda banna a dda muntagna
d’unni u suli viru spuntari
Dda banna a dda muntagna
Dda banna a dda muntagna
c’ è la vogghia di campari. 

'Nta stu chianu lassamu a stanchizza
e li menti ‘mbriachi i ricchizza

a ccu cridi ch’ è megghiu di mia
e lu muru ca c’ è fra mia e tia.

‘Nta stu chianu ‘nta ‘ntempu luntanu
tutti ansemi nni daumu a manu

‘Nta stu chianu ora ognunu si lagna
partemu curaggiu passamu a muntagna.

Dda banna a dda muntagna
Dda banna a dda muntagna
un gaddu canta e saluta lu suli
Dda banna a dda muntagna
Dda banna a dda muntagna
c’ è la vogghia di canciari.