Spunta lu suli e squagghia la jlata
squagghia ppi na picciotta ch’è sapurita.

Ch’è sapurita ch’è sapurita
squagghia ppi na picciotta ch’è sapurita.

Lu pettu teni di na scaffalata
m’havi l’ucchiuzzi di na calamita.

Di na calamita di na calamita
e di l’ucchiuzzi e di na calamita.

Chiudirimi ‘nte so manu iu mi vurria
bedda sa chi ti dicu dammi na baciata

Dammi na baciata dammi na baciata
sai chi ti dicu e dammi na baciata.

Dammi na baciata dammi na baciata
ju mottu sugnu e mi duni la vita.

Mi duni la vita mi duni la vita
ju mottu sugnu e mi duni la vita.

Bedda sai chi ti dicu o ni nni fuemu
comu na manna Diu nni la pigghiamu.

Nni la pigghiamu e nni la pigghiamu
comu na manna Diu e nni la pigghiamu.

Ccu quattru boni amici o chi pirdemu
e mamma e patri e li pacificamu.

Li pacificamu li pacificamu
e mamma e patri e li pacificamu.