GOSOS DE NOSTRA SIGNORA DE RUNAGHES

RIT:  Peccadores chi timides
      cristianos chi peccamus
      atteru amparu no' amus
      a Maria recurride

  

Si gagliardas tentaziones
o sezis isconsolados
poveros nezzessidados
patides afflissiones
azis tribulaziones
cun Maria bos unide
         
In sos bisonzos e dannos
in sos perigulos tottu
ogniunu pedat devotu
alleviu in sos affannos
si sezis in males mannos
a Maria lu pedide

Si su baratru infernale
crudele indispettidu
contra a bois attrividu
chircat de bos fagher male
Bos difendet liberale
si pro la tenides
       
Maria chi est tott' amore
cale mamma piedosa 
chircat sempre fastizosa
salvare su peccadore
pregadela cun fervore 
a Issa bos offride

E bois Mamma amorosa
cosolu de sos affrigidos
tottu sos coros unidos
in custa valle penosa
azzetade piedosa 
sullevade e favoride
     
Sullevade sos afflitos
sos timidos cunfortade
bois pro tottu pregade 
pro sos comunes delittos
chi cun tottu sian iscrittos
predestinados faghide

In bois sa cunfidenzia
Virgine santa tenimus
de sos males chi tenimus
amus sigura isperanzia
chi perdonu a sas mancanzias
clemente nos ottenides

Fideles tottu iscultade
si salvare bos cherides
solu a Maria curride
si su perdonu chircades
gai tottu gosades
su regnu chi pretendides  
    

GOSOS DE SANTU MARTINE

Santu Martine famosu
de immensa caridade:
pro tottu nois pregade
in su regniu gloriosu.

Campione singulare
de s'esercitu romanu,
ma sa vide  'e cristianu
has preferidu abbrazzare
dezzisu 'e la praticare
cun zelu e fidelidade.
    Santu Martine famosu
    De immensa caridade;

De su podere infernale 
Tue nudda hasa timidu
 e cun nobile sentidu
has cumbàttidbu ogni male
difendente s'ideale
cun frimmesa e volontade.
     Santu Martine famosu
     de immensa caridade.

Solitariu in rittiru
hasa fattu penitenza
e moritu e riverenzia
has revudadu, e ammiru,
ca de coro, ogni suspiru
fit pro sola umanidade.
      Santu Martine famosu
      de immensa caridade.
 
Fattu digniu e cummovente
mustradu has Martine Santu
cando has divisu su mantu
cun su poveru pezzente 
e t'est bennidu presente
su Fizu 'e sa Trinidade.
      Santu Martine famosu
      De immensa umanidade.

Malignos ladrones tristos
a morte t'han cundennadu,
ma c'has cun fide pregadu
has tentu s'aggiudu ' e Cristos,
ca sos malos fin provvistos 
de vile malvagidade.
     Santu Martine famosu 
     de immensa caridade.

Impedidu ti han sa brama 
Detorrare alogu tou
Pro visitare de nou;
sa Patria, babbu e mama;
ma in su desertu in fiama
t'han presu chena piedale.
    Santu Martine famosu
    De immensa caridade
 
Inie su martirizu 
Supportadu has subras palas
nutrendedi d'ervas malas
pro calmare ogni fastizu,
finzas chi s'Eternufizu  
ti hat succurridu che frade.
	Santu Martire famosu
	De immensa caridade
 
T'hat ghiadu in su caminu
de sentidos virtuosos 
e poderes prodigiosos
t'hat cunzessu de continu
e che piscanu Divinu
t'hat bestidu 'e Santidade
	Santu Martire famosu
	De immensa caridade

Bennidos a t'ubbidire 
sun res cun corona e tronu
ma su tou animu 'onu 
ils hat fattu prestu ischire 
chi fist tue pront'a servire 
cun amore e umilidade.
	Santu Martire famosu
	De immensa caridade
 
Nodu 'e sos benes mundados:
zedidos in gioventude,
riccu  'e nobile virtude 
dada in donu a sos umanos ,
ch'in sos chelos soberanos 
est lughe de veridade.
	Santu Martire famosu
	De immensa caridade

Ghia sias de lugòre 
de sas animas terrenas  
abblandendelis sas penas
in custu mundu 'e dolore;
poi su tou santu amore 
gosen  in  s'eternidate.
	Santu Martire famosu
	De immensa cari